Бодол-2

Сэтгэл нэг л гонсгор байна. Яагаад ч юм ийм байх ёсгүйм шиг санагдаад байхым. Тэхдээ л уйтгар гуниг гэдэг чамд ч надад ч байх ёстой. Чи яагаад бид нарлуу ингэж хардым? Биднийг тэнэг амьтан болохоор уу? Угаасаа чи надад хэрэггүй чам шиг хүн надтай байх учиргүй. Гэхдээ чиний үнэр, эрхамсэг байдал, бардам алхаа, шулуун харц ... чамайг үзэн яджын. Зэлүүд мэт байсан энэ газар ийм хүүхэн явахыг хараад толгойд минь ийм их бодол зурс хийсэнд дахин эргүүлэн бодлоо. Үгүй ээ энийг бодоод байх юу байгаам зүгээр л босъё.
Тамхиа хүчтэй гэгч нь шуналтай соронгоо алхалхад газар хийсч буй навчис гутлын уланд бяц гишгэгдэнэ. Сэтгэлийн гүнээс тэгэхдээ гуниг нэг л өөр өөр давтамжтай гарч ирнэ. Энэ тухай бодох хэрэг надад алга. Би угаасаа азгүй амьтан чамайг бодох эрх надад байхгүй. Тэгэхдээ л яагаад яагаад хэлэх үг алга энэ бодлыг орхих юмсан.

Бодол.

Намрын улирал - Дулаахан мөртлөө хүйтэн улирал. Гандаж хатан үхжин үгүй болж байгаам мөртлөө үзэсгэлэнтэй. Зуны налгар өдрүүд дуусхад бие минь өөрийн эрхгүй алжаан сулбайх мэт. Сэтгэл минь мөчирнөөсөө салан унах гэж буй навчис шиг дэнжигнэн гуньхарна. Сэрүүн салхи үлээхэд хатсан навчис хөлөн доогуур чимээгүйхэн хийсч илч нь буурч уйдсан мэт нарны цацраг нүд гялбуулан цацрана. Модон сандал дээр уйтгарлан ганцаараа суухдаа эргэн тойронгоо ажиглана. Будаг нь гарч гандсан мэт хар куртканыхаа баруун талын жижигхэн карманаас ганц янжуур гарган ирж амандаа зуулаа. Зун болохоор хос залуус хөтлөлдөн алхаж, жоохон хүүхдүүдийн инээлдэн тоглох чимээ түгсэн байдаг энэ газар нэг л зэлүүд болжээ. Ямар нэгэн зүйлийг надаас нуух мэт тэнгэрийн үүлс хаашаа ч хийсэлгүй хөвсийнө. Өмднийхөө арын карманаас "Фэско" хэмээн бичсэн орос шүдэнз гаргаж ирээд зөөлхөн зураад тамхиа асаалаа. Нүдээ аниад хүчтэй гэгч нь сорход хоолойн дээр тулан хавьрах мэт гулган цээжрүү минь урсан орлоо. (Гарч тамхи татлаа)

First Post.

Анхныхаа постыг өөрийнхөө бодлоос эхлүүлий гэж бодлоо.
Намар намар гэдэг үг өөрөө их сонин байгаам шүү утгыг нь тайлж унших боломжгүй. Ингээл бодоод байхад нэг л мэдхэд намрын шаргал өдрүүд эхэлсэн байна байхдаа.